انا هنناااك

.

.

.

http://www.anosyat.com/

.

.

:)

http://www.jzaab.com/

منودعكم

!! خلص بكفي

نقطه .. انتهى

في بعض الاحيان بتمنى لو اليابانين يخترعو نظام فورمات للدماغ مشان تتخلص من الافكار والهلوسات الغريبه المعششه بالراس
او قطعه الكترونيه بتتركب على المخ مشان تصنف الافكار المفيده وتسجلها على انها قابله للتنفيذ وترفض الافكار الغير مرغوبه

"spam"وتسجيلها على انها

وغير مفيده

او "فلتر الامل" اللي بنقي الاحلام من الخرافات اللي ما ألها داعي والسماح للاحلام اللي من المحتمل تكون مقبوله بالنسبه للغير بالمرور والمعالجه
راسي راح ينفجر ,روتين قاتل,اّمال كثيره للتغير
!!فش حركه
بس أحلام بحياه مليانه حياه
اما الواقع كل يوم موت
وموت
وموت
وموت
وموت

بطلو بدهم زلم

واخيرا..يبدو نزل اعفاء لمواليد 89 من خدمة العلم والحمد لله كابوس "صيرو زلام وبكفي ولدنه"انتهى واهلا من جديد بعصر الواكس والبوكسر ابو الوان زاهيه , وهيك راح نضل نفطر ببيوتنا لبنه وسنيوره وزيتون اخضر محصول السنه,مش وجبة غدا وحده وحبة موز من جوعك بتوكل قشرها..

ابصر عاد الحكي مش أكيد دفتر الخدمه تبعي صار مأجل 4 مرات ,

واحده منهم تأجيل من ايام المدرسه 6 أشهر مع 100 جميله من المدير والثانيه تأجيل 4 أشهر أجلتها بنفسي والثالثه برضو 4 أشهر أجلتها انا كمان,, اما هسه ما بعرف شو اللي صار بعد ما رحت على منطقة أم الأسود اللي أول مره بسمع فيها استقبلني قائد الشعبه بعباره " جيب طلب متابعة وتفتيش وعبيه من الجبيهه وارجعلي"حملت حالي على الجبيهه وتأكدو انو لا أنا ولا أبوي ولا أمي معهم بطاقة جسور او كروت ملونه بعرفش لشو بستخدموها ونبشو شرش العيله من اصغرها لأكبرها, ولولا الحرام كان طلعو عظام جدي من القبر وفحصوها كويس ورجعوها

ثم رجعه الى ام القرود مع قرف واستفتاح بنفس الوجه السابق ,مسك دفتري وقلبه قلب وتمعن بالصوره ومرر نظرات سريعه لوجهي وختملي الدفتر ومقليش يعطيك العافيه وفوق هيك دفعني ليره ,وقال أذا بتتأخر مره ثانيه مندفعك غرامه ومنعملك قلق,يعني على أساس كانو مدلليني وحامليني على أكف الراحه ,بس أنا تفاجئت بمده التأجيل اللي هي سنه وشهرين أما مش فاهم بالزبط قرفو مني وبدهمش اياني ؟؟

ولا خلص! بطلو بدهم زلم؟

أسفين يقرابه, أنت الحلقة الاظعف

mind reader ( ????)

هاي لعبه او بالاصح سحر ..خرافه

انا مو فاهم كيف بتسير

بتحط ببالك رقم مكون من خانتين خلينا نقول 11 مثلا

بتجمع الخانتين مع بعض فبسيرو

1+1=2

بتطرح الناتج من الرقم اللي حطيتو ببالك

فبتسير

2-11=9

على جنب موجود اشكال مرقمين من الصفر لحد الـ 99 بعدين بتروح على الشكل رقم تسعه وبتحفظو كويس

اخر شي بتضغط على الدحبيره بطلع عندك نااااااااااااااافس الشكل اللي جنب رقم 9

؟؟؟؟؟؟؟؟؟؟؟؟؟؟؟

انا اللي بدي اعرفو هسه هسه كيف عرف انو هو نفس الشكل مع انو كل الشغل بتشتغلو بينك وبين حالك؟؟؟

فعلا عجيبه

اضغط عالوجه المستغرب للسما .. وجرب بنفسك

(×_O)

مدرعه

F: تعال بسرعه شوف" المدرعه" الجاي

Anas:وين أنو مدرعه؟؟

F:ولك هيها هناك.. شف شف شف , ينعن عمري على هالمشيه

Anas: ولك شو بتحكي وين ماشيه" المدرعه" مش شايفها؟

F:ايش مالنا يزلمه ركز شوي!! هيها هناااااك

Anas: مدرعه؟؟!! ااااااااااااااااااااااااااه هههههههههههه "مدرعه" هههههه ..الله يخزيك

F:ههههههه

مــــعجنــات

اليوم الوالد الله يديمه اجا عبالو يفطر معجنات ,وبالعاده لما يكون الشغل متحرك منفطر متأخرين يعني بحدود الـ2 ونص لغاية الــ4رحت وواثق من حالي انو مش معقول الناس تكون دابه على هالمعجنات يعني خلص موعد الفطور وَدع ولازم هسه يكون الغدا, فبلاقي دوري هو اللي واقف وبستناني ما علي غير اوصي وكان الله بالسر عليم.. فش دقيقتين وصرت موصي على 6 قطعوعلى اساس عمو الخباز بخبز فيهم!!شوي ولا هي داخله وحده وبدون ما تسلم! و بدت تطول من البترينا قطع معجنات وتقول بينها وبين حالها "ام عبدالله بدها 3 سبانخ و2 لحمه, ام سعيد بدها بليره كبه , سوسو تئبر ألبي بتموت بالبيتزا" وعلى هالحاله لصار عندها كومة معجنات!!كفيلة بفك ازمة المجاعات بالعالم كله
وأنا مالي وهي مالها, عم بتطلع فيها بمهزئه وكاني بجاكرها انا كل اللي طالبو 6 قطع هيهيهيهووو هسه باخدهم وبضلني مشدر عالمحل ..شف شف المسكينه راح تنلطع ساعه مشان ام عبدالله وسوسو تئبر ألبها
قلت فكني منها خليني اطلع ادخن سيجاره وبرجع باخد طلبي, وكل شوي بفوت عالمحل وبسأل الزلمه "شو صار بالطلب يمعلم"عسريع بجاوبني يالله يالله دقيقتين. قلنا دقيقتين لا حول ولا منستنى شو ورانا ,..الدقيقتين صارو 4 والاربعه خلفت 8 و10 و20!!ول شو هي الساعه كاينا خم أرانب؟!! يعني مضلش فيها بدي اعرف شو صار بالمنسف؟؟! انا داخل عالمحل وخالتو الست طالعه ..زي ما تقول تقالبنا وجه بوجه ,لأ وطايره ومستعجله ومحمله بيدها المعونات المتلتله... ولا اشي فتت عالخباز وبدي انعن الكائنات خلص فش مجال انا كل اللي طالبو 6 قطع وهي كنست المحل باللي فيه...كيف طيب تمشي قبلي؟حاولت بالبدايه اكون لطيف واحكي بكل احترام ,بس المشكله الاحترام ما بمشي مع البقر ,انا قاعد بحكي معو وهو متبع للست المحلقه من السايد اليمين قطعها الشارع لوصلها عالسايد التاني وضلو ماخدها بعيونو لوصلها لحد ابعد نقطه بقدر يتبعلها عليها ,,..هوووون خلص! انفجر شرش الاحترام عندي, ويا رداحه من وين بلادك ,هيك لهيك للي بشتري من عندك للنسونجيه اللي مثلك لكل النسوان يعني فايت اشتري بليره لكني سمعتو كلام بألف ليره .....وسحيت حالي وضليتني طالع لحتى وصلت على بعد اربع محلات, ولا هو العامل المصري عندو لاحقني وبنادي علي وبقول"رايح فين والنبي يا باشا دنت طلبك جاهز من ربع ساعه" قلت بيني وبين حالي كبري عقلكي يا عمري وخود الطلب ولا ترجع لابوك بدون الاكلات ,الزلمه الله يعطيه العافيه انهلك اليوم,,.. اخدت الاكلات وزتيت حقهم بوجه الزلمه ورحت عالمحل
لما وصلت صارت مناقره بسيطه ليش تأخرت وعلى شو ومن هالحكي اخر اشي طلنا الاكل وبدنا نقول بسم الله,,. ولا هو الطلب مش طلبي!! كان بالجاط مصفت 5 قطع بيتزا بس! صفنت بحبات البيتزا وعم اتطلع على ابوي ومندمج مع الفلم عالاخر وأنا بيني وبين حالي بقول

"بيتزا؟!!ولك تئبري ألبي يا سوسو"